रेडियो नाटक र रेडियो नेपाल

सायद २०५२, ५३ सालताका होला । ७/८ कक्षामा पढ्थेँ म । शनिबारको हाम्रो दैनिकी सरसफाइबाट सुरु हुन्थ्यो । पहिला घरको सरसफाइ अनि ज्यानको । त्यसपछि लुगा धुने काम फटाफट सुरु हुन्थ्यो । जिम्मेवारी यस्तो बाँडफाँड थियो कि दिदी बहिनी दाजुभाई सबैले आफ्नो लुगा आफै धुनु पथ्र्यो । ५ जना छोराछोरी हामी धाराको वरपर घेरा पारेर बस्थ्यौं र लुगा धुँदै मोडामाथि उभिएको रेडियो सुन्थ्यौं । सबै भन्दा धेरै ध्यान तब जान्थ्यो जब ‘रेडियो नाटक’ बज्थ्यो ।

शनिबार दिउँसो बज्ने त्यो रेडियो नाटकले मनको कुनाको तार बजाएको थियो । खुशीको कुरा, केहि दिनअघि देखि म रेडियो नेपालकै स्टुडियोमा नाटक ‘कथामाला’ को निर्देशन गरिरहेको छु । बीबीसी मिडिया एक्सन र रेडियो नेपालको सहकार्यमा तयार भइरहेको यो ५ मिनेटको नाटक हरेक आइतबार बिहान ८।१०, दिउँसो १२।१० र साँझ ६।१० बजे बज्छ । यति बेला म नाटकका अझ धेरै पक्ष सिक्ने मौंका पाइरहेको छु । आजका दिनमा म मेरो बाल्यकाल धेरै सम्झिरहेको छु । #RadioNepal #BBCMediaAction #Kathamala #Milijuli #RadioDrama