Monday, January 7, 2013

जाडोका चिसा उखान टुक्का


बिस्तारै बिस्तारै बढ्दै गरेको जाडोले विहान धेरै अबेर सम्म पनि हामीलाई बिस्तारामा सिरक भित्रै रोक्न सक्छ । झ्यालका पर्दा घामले नखोली कन हामी आफै खोल्न तम्सन पनि गाह्रो हुन्छ । विहानै तातो चियाको गिलासलाई ओठले चुम्न पाउँदा मात्र हात गोडा चलमलाउन थाल्छन् । अझ एका विहानै काममा जानु पर्ने वा कलेज जानु पर्नेलाई त जाडो कहिल्यै नआए हुन्थ्यो झै हुन्छ । यस्तो कठ्याङ्ग्रीने जाडोको बेलामा हाम्रा उखान टुक्काहरू कसरी बांगिने गर्छन्, यसबारेमा केही प्रसंग तल छ । तपाइलाई यो जाडो मौसम भरि न्यानो घामले माया गरोस शुभकामना !

  • जाडोले कामेको गोरुलाई बोरा ओढाउन सकिन्छ, सिरक ओडाउन सकिन्न
  • अनिकालमा बिउ जोगाउनु, चिसोमा जिउ जोगाउनु
  • चिसोले समाएको मान्छेलाई, आइसक्रिमले पनि लखेट्छ
  • अर्काको आंङमा गन्जी लगाएको देख्ने, आफ्नो आंङमा जकेट लगाएको  नदेख्ने ?
  • हिटरले पोलेको मान्छे, राइस कुक्कर देख्दा तर्सन्छ 
  • थर्मस फुटे, तातो लुटे
  • खाइ न पाइ, लेदर जकेट लाई 
  • काम पाइनस छोरो, मोजामा आइरन लगाइ
  • बिहानै कोक नखानु, साँझ परेपछि चोक नजानु
  • आगो ताप्नु मुढाको, हड्डि जोगाउनु घुँडाको
  • नाँच्न नजान्ने, आँगनमा जाडो
  • बाँदरको पुच्छार, न फिसिङ रड न हिटिङ रड
  • नपाउनेले चिया पायो गिलास सहित खायो
  • जो चोर, जाडोले मोर
  • रात भरी जाडोले करायो, बिहान सास हरायो
  • जस्ता लाई तस्तै, एसि हुनेलाई मस्तै
  • जुन जोगी आए पनि जकेट लगाका
  • मर्ने बेलामा, दाउरा बाल्छन् 
  • मक्कलको पिर, अक्कलले जान्दैन
  • आगो देखेपछि महादेवका पनि तिन नेत्र
  • घाम ला’यो घाम ला’यो फुस्सा
  • बाह्र वर्ष मौसम विभागमा, डिग्री सेन्ट्रिगेड भनेको के हो ?
  • अर्थ न बर्थ गोबिन्दे गाइ, हावा चलेको बेलामा पच्छ्यौरा नलिइ आइ 

          (भवसागर घिमिरे,Jan 2013)

1 comment:

  1. Kam painash buhari, gundruklai aairan lagai


    Dadule haneko poi, dal thapda tarsanchha.



    Bhaisi chade kurchhi, goth chair rittai.

    ReplyDelete