भवसागर घिमिरे
म मनबाट चलेको छु
मस्तिष्कबाट चलेको छैन
त्यसैले मलाई म मन पर्दैन
पहिला पहिला मेरा मनहरु
नसा नसाबाट बग्दै
मस्तिष्कमा पुगेर छानीने गर्थे
शुद्ध हुन्थे मनहरु अनि
म त्यसलाई व्यवहारमा उतार्थे
तर आज मनहरु
मस्तिष्कमा पुग्न नपाउँदै
व्यवहारबाट पोखिने गर्छन्
म सँधै मनको कुरा मान्छु
मस्तिष्क सदा लाचार भै रहन्छ
धिक्कारी रहन्छु म अनि मनहरुलाई
किनकी मेरा मनहरु
मलाई स्वयं दमन गर्दैछन्
लज्जास्पद बनाइरहेका छन्
तरपनि म प्रतिकार गर्न सक्दिन
मनहरुलाई
म हार्दोयुद्ध लडिरहेको छु
त्यसैले मलाई म मन पर्दैन !
(२०६१-०१-३१, पोखरा)
No comments:
Post a Comment