आमा भो नसुनाउनुस्…

६० हजारमा किनेको गाइ
थुनेलो भएर मरेपछी
कृषि विकास बैंकले घरखेत उठाउँदै छ रॆ
साइला बा र साइलियाँलाइ दुःख खपिसक्नु छैन्
४ घण्टाको पैदलबाटो
सदरमुकाम अस्पताल ल्याउन नपाउँदै
पेटको छोरीसँगै यमुनाले बाटैमा सास छोडी रे
ठूल्बाको छोरोले किताब किन्न नसकेर
स्कुल छाड्यो रे
आमा भो नसुनाउनुस् गाउँको खबर
तपाइको यो निर्दयी छोरोले
डिग्री पास भाको यतिका वर्ष बितिसक्दा पनि
गाउँका लागि काठमाडौं छाड्न सकेको छैन्
(भवसागर-२०६७)